25 ಕೋಟಿ ಕೊಟ್ಟು ಕಾರ್ ಕೊಂಡ..ಆದ್ರೆ ನಂಬರ್ ಪ್ಲೇಟ್ ಗಾಗಿ ಖರ್ಚು ಮಾಡಿದ್ದು 52 ಕೋಟಿ !

Kannada Mahiti

ಸ್ನೇಹಿತರೇ, ಒಂದೊತ್ತಿನ ಊಟಕ್ಕೂ ಪರದಾಡುವ ಕೋಟ್ಯಂತರ ಜನರ ನಡುವೆ, ಐಷಾರಾಮಿ ಕಾರುಗಳನ್ನ ಕೊಂಡು ಅದರ ಫ್ಯಾನ್ಸಿ ನಂಬರ್ ಗಾಗಿ ಲಕ್ಷಾಂತರ ಹಣ ಸುರಿಯೋ ಕ್ರೇಜ್ ಹೊಂದಿರುವ ಮತ್ತೊಂದು ವರ್ಗದ ಜನರು ಈ ಜಗತ್ತಿನಲ್ಲಿದ್ದಾರೆ. ಹೌದು, ಇಲ್ಲೊಬ್ಬ ವ್ಯಕ್ತಿ ಬರೋಬ್ಬರಿ 25ಕೋಟಿಯ ಐಷಾರಾಮಿ ಕಾರನ್ನ ಖರೀದಿ ಮಾಡಿದ್ದು ಅದರ ಫ್ಯಾನ್ಸಿ ನಂಬರ್ ಗಾಗಿ ಕೋಟ್ಯಾಂತರ ರೂಪಾಯಿ ಸುರಿದಿದ್ದು ಸಿಕ್ಕಾಪಟ್ಟೆ ಸುದ್ದಿಯಲ್ಲಿದ್ದಾನೆ. ಸ್ನೇಹಿತರೇ, ವಿಶ್ವದ ಐಷಾರಾಮಿಯಾದ ದುಬಾರಿ ಕಾರ್ ಗಳಲ್ಲಿ ಬುಗಾಟಿ ಚಿರಾನ್ ಕಾರು ಕೂಡ ಒಂದು. ದುಬೈನ ಉದ್ದಿಮಿಯೊಬ್ಬ ಈ ಐಷಾರಾಮಿ ಕಾರನ್ನ ೨೫ ಕೋಟಿಗೆ ಖರೀದಿ ಮಾಡಿದ್ದು ಅದರ ಫ್ಯಾನ್ಸಿ ನಂಬರ್ ಗೋಸ್ಕರ ಆ ಕಾರಿನ ಎರಡು ಪಟ್ಟು ಹಣವನ್ನ ಖರ್ಚು ಮಾಡಿದ್ದಾನೆ.

ಯಾವುದೇ ವಾಹನ ತೆಗೆದುಕೊಂಡರು ನಂಬರ್ ಪ್ಲೇಟ್ ರಿಜಿಸ್ಟ್ರೇಷನ್ ಮಾಡಿಸಲೇಬೇಕಲ್ಲವೇ..ಇನ್ನು ಈ ಉದ್ಯಮಿಯೂ ಕೂಡ ಆ ಅದೃಷ್ಟದ ನಂಬರ್ ತನ್ನದಾಗಲೇ ಬೇಕೆಂದು ಹಠ ಹಿಡಿದ್ದಾನೆ. ಇನ್ನು ಈತನಂತೆ ಹಲವು ಉದ್ಯಮಿಗಳು ತಮ್ಮ ಕಾರಿಗೂ ಅದೇ ನಂಬರ್ ಬೇಕೆಂದು ಪ್ರಯತ್ನ ಮಾಡಿದ್ದಾರೆ. ಇನ್ನು ಆ ಅದೃಷ್ಟದ ಸಂಖ್ಯೆಗಾಗಿ ಪ್ರಯತ್ನ ಪಡುವವರ ಸಂಖ್ಯೆ ಹೆಚ್ಚಾದ ಕಾರಣ ದುಬೈ ಪೊಲೀಸರು ಈ ನಂಬರ್ ಬೇಕಾಗಿರುವವರು ಬಿಡ್ಡಿಂಗ್ ಮಾಡಬೇಕೆಂದು ಬಿಡ್ಡಿಂಗ್ ಆಯೋಜನೆ ಮಾಡಿದ್ದಾರೆ. ಇನ್ನು ದುಬೈನಲ್ಲಿರುವ ಶ್ರೀಮಂತರ ಬಗ್ಗೆ ಹೇಳಬೇಕೇ..

ನಾ ಮುಂದು ತಾ ಮುಂದು ಅಂತ ಪ್ರತಿಷ್ಠೆಗಿಳಿದು ಬಿಡ್ಡಿಂಗ್ ಮಾಡಿದ್ದಾರೆ ಈ ವಿಶೇಷ ನಂಬರ್ ಗೋಸ್ಕರ..ನೀವು ನಂಬೋದಿಲ್ಲ..ಬರೋಬ್ಬರಿ 52 ಕೋಟಿ ಬಿಡ್ ಮಾಡಿದ್ದಾರೆ. ಇನ್ನು ಬುಗಾಟಿ ಚಿರಾನ್ ಕಾರ್ ಕೊಂಡಿದ್ದ ವ್ಯಕ್ತಿ ಆ ನಂಬರ್ ಗೋಸ್ಕರ ಪ್ರತಿಷ್ಠೆಗಿಳಿದಿದ್ದು 52 ಕೋಟಿಗೆ ಆ ನಂಬರ್ ನ್ನ ತನ್ನದಾಗಿಸಿಕೊಂಡಿದ್ದಾನೆ. ಕೋಟ್ಯಾಂತರ ಬಿಡ್ಡಿಂಗಿಗೆ ಕಾರಣವಾದ ಆ ನಂಬರ್ ಯಾವುದು ಗೊತ್ತಾ..ನಂಬರ್ 9. ಇನ್ನು ಪ್ರತಿಷ್ಠೆಗಿಳಿದಿದ್ದ ಈ ವ್ಯಕ್ತಿ ಎರಡು ಬುಗಾಟಿ ಚಿರಾನ್ ಐಷಾರಾಮಿ ಕಾರ್ ಗಳನ್ನ ಕೊಳ್ಳಬಹುದಾಗಿದ್ದ ಕೋಟ್ಯಂತರ ಹಣವನ್ನ ಒಂದು ನಂಬರ್ ಪ್ಲೇಟ್ ಗಾಗಿ ಖರ್ಚು ಮಾಡಿರುವುದು ಸಿಕ್ಕಾಪಟ್ಟೆ ಸುದ್ದಿಯಾಗಿದೆ.

ಜಗತ್ತಿನ ಐಷಾರಾಮಿ ಕಾರ್ ಗಳಲ್ಲಿ ಹೊಂಡಾಗಿರುವ ಬುಗಾಟಿ ಚಿರಾನ್ ಕಾರು ಗಂಟೆಗೆ 490 ಕಿಮೀ ಸ್ಪೀಡ್ ವೇಗದಲ್ಲಿ ಚಲಿಸುತ್ತದೆ ಎಂದು ಹೇಳಲಾಗಿದೆ. ಎರಡು ಕಾರ್ ಕೊಳ್ಳಬಹುದಾಗಿದ್ದಷ್ಟು ಕೋಟಿ ಹಣವನ್ನ ಕೇವಲ ನಂಬರ್ ಪ್ಲೇಟ್ ಗಾಗಿ ವ್ಯಯಿಸಿದ ಆ ವ್ಯಕ್ತಿ ಮೂರ್ಖನೊ ಇಲ್ಲ ಬುದ್ದಿವಂತನೋ ಅನ್ನೋ ಚರ್ಚೆ ನಡೆದಿದೆ ನೆಟ್ಟಿಗರ ನಡುವೆ. ಕೋಟ್ಯಂತರ ಜನ ಒಂದೊತ್ತಿನ ಊಟಕ್ಕೂ ಕಷ್ಟಪಡುತ್ತಿರುವಾಗ ತಮ್ಮ ಕ್ರೇಜ್ ಗೋಸ್ಕರ ಕೋಟ್ಯಂತರ ರೂಪಾಯಿಗಳನ್ನ ವ್ಯಯಿಸುತ್ತಾರೆ ಎಂದರೆ ಈ ಜಗತ್ತು ಎಷ್ಟು ವಿಚಿತ್ರ ನೀವೇ ಹೇಳಿ..